Aurrez aurreko Plana: Sarrera
Nekazaritza, Arrantza eta Elikadura Ministerioak eta Ingurugirokoak, zuzenean eta
Nekazal Azpiegituren Estatu Elkarteen, Ur Elkarteen, Tragsa taldearen eta Elkarte
Ureztatzaileen bitartez, ureztaketaren hobekuntza eta finkapen lan presazkoak
burutuko dituzte, era koordinatuan, lehortearen eragina arindu dezan aurrezpena
lortzera bideratuta.
Asmo handiko Egitasmo hau, Autonomia Erkidego desberdinetan Interes Orokorrekotzat
jotzen diren lanek osatzen dute, dagoeneko garatutako proiektuekin edo amaituak
izateko bidean daudenekin. Errege-Dekretuan sartzen diren proiektuak garatu behar
diren eremuen aukeraketarako irizpideak, gaur egun eraginkortasun hidriko gutxiko
eta nekazari kopuru handiari eragiten dioten eremuetara bideratuta daude.
Aurreikusitako ekintzak URAREN AURREZPENERA eta URAREN ERABILPENEAN ERAGINKORTASUN
HOBEKUNTZARA bideratuta daude, bai altan bai bajan, banaketan dauden galerak
desagertarazteko, eta ureztatzaileek ureztaketa sistema eraginkor eta
automatizatuagoak lor ditzaten. Azken finean, dauden ureztaketa sistemak
modernizatzea eta ureztatzaileei Espainiak gaur egun bizi dituen lehorte baldintzen
ondorioei eta gurea bezalako mediterranear herrialdeari historikoki etorkizunean
eragingo dioten aldiei aurre egiten laguntzea da asmoa.
