Aurrez aurreko Plana: Izapidea
Jarduera Programan sartzen diren lanak presazkotzat joko dira kontratazioari eta
bideraketa administratiboari dagokionez, ingurugiro eraginaren ebaluaketa izapideen
inguruan batez ere, bertan aurreikusitako prozedura nabarmen gutxituz.
Aipatutako jarduera guztiak Errege-Dekretuak interes orokorrekotzat jotzen ditu edo dagokion arroileko Plan Hidrologikoetan sartuta daude, hau dela eta, erabilgarritasun publikoko adierazpena inplizituki berarekin eramango dute, eta ekainaren 20ko 1/2001 Errege-Dekretu Legeak onartutako Ur Legearen Testu Moldatuan aurreikusitako balizko kasuetan, ondasunen okupazio beharra eta eskubide lorpena, indarrez egindako desjabetze eta aldi baterako okupazio helburua dutenekin.
Errege-Dekretu honetan aurreikusitako jardueren garapenerako kontratazio espediente
zehatzak presazkotzat joko dira Administrazio Publikoen Kontratu Legearearen Testu
Moldatuko 71. artikuluan aurreikusitako ondorioetarako, ekainaren 16ko 2/2000 Lege
Errege-Dekretuak onartutakoa.
Azpiegituraren bat egitea ezinezko egingo luketen baldintzengatik, Jarduera Programa eraldatzea beharrezkoa balitz, dagokion kudeaketa zentroak dagokion Ministerioari beharrezko proposamena egingo dio, eta honek azpiegitura bat interes orokorrekotzat jotako edo bere arroileko egitasmoan sartutako edo antzeko ezaugarriko beste batengatik trukatzea erabakiko du, beti ere helburu berdinen betekizuna bermatzen badu.
Jarduera proiektuen izapidea ekainaren 28ko Ingurugiro Eragin Ebaluazioaren
1302/1986 Errege-Dekretu Legepean egongo da, maiatzaren 8ko 6/2001 Legeak
eraldatutakoa.
Nekazaritza, Arrantza eta Elikadura Ministerioek sustatu eta baimendutako proiektuak, 1302/1986 Errege-Dekretu Legeko 11. gehigarrian sartutakoak, Ingurugiro Ministerioaren Kalitate eta Ingurugiro Ebaluazio Zuzendaritza Nagusiaren aurrean aurkeztu beharko dira, ingurugiro erakundea den aldetik eta gutxienez honako edukia daraman proiektuaren ingurugiro dokumentua izan beharko du:
- Proiektuaren definizioa, ezaugarriak eta kokapena.
- Aztertutako alternatiba nagusiak.
- Ingurugiroaren balizko eragin analisiak.
- Prebentzio neurriak, zuzentzaileak edo berdintzaileak ingurugiroaren babes egokirako.
- Ingurugiro dokumentuan biltzen diren adierazpide eta neurri babesle eta zuzentzaileak betetzea bermatuko duten jarraipena egiteko modua.
Ingurugiro organoak erabakiko du proiektuak Ingurugiro Eraginaren Ebaluaziopean jarri beharko diren, aldez aurretik, derrigorrez, eragiten dien dagokion Autonomia Erkidegoko ingurugiro organoa kontsultatuz.
Errege-Dekretu honen baldintza bereziak kontuan hartuz, presazko izapidea ezarriko da eta ohiko prozeduran ezarritako epeak erdira murriztuko dira. Hala ere, proiektua informazio publikoari helarazi behar izanez gero, arrazoibideak agertzeko epea ezin izango da hogei egun baino gutxiagokoa izan.
