Plan de choque: Introdución
Os Ministerios de Agricultura, Pesca e Alimentación e de Medio Ambiente,
directamente e a través das Sociedades Estatais de Infraestruturas Agrarias,
as Sociedades de Auga, o Grupo Tragsa e as Comunidades de Regantes, acometerán,
de forma coordinada, a execución de obras urxentes de mellora e consolidación de
regadíos destinadas a obter un aforro de auga que palíe os efectos da seca.
Este ambicioso Plan está composto por obras declaradas de Interese Xeral en
diferentes Comunidades Autónomas, con proxectos xa elaborados ou en vías de ser
rematados. Os criterios para a selección das zonas onde se han desenvolver os
proxectos incluídos no Real Decreto están orientados a zonas que na actualidade
contan cunha baixa eficiencia hídrica e que afectan a un gran número de
agricultores.
As actuacións previstas están dirixidas ao AFORRO e á MELLORA DA EFICIENCIA NO
USO DA AUGA, eliminando as perdas na distribución, tanto en alta como en baixa
e facilitando o paso por parte dos regantes a sistemas de rego máis eficientes
e automatizados. En definitiva, trátase de modernizar os regadíos existentes e
axudar aos regantes a enfrontarse aos efectos das actuais condicións de seca
polas que atravesa España e a outros futuros períodos que historicamente afectan
a un país mediterráneo coma o noso.
